Kur udhëtoni me transport publik, gjëja e parë që duhet të keni parasysh është të ruani gjërat me vlerë “si sytë e ballit”.
Kjo pasi kohët e fundit janë të shumta raportimet për vjedhje dhe ditën e sotme një vajzë ka rënë pre e një hajduti.
Ngjarja ka ndodhur në autobusat e studentëve të linjës Fier – Vlorë, ku një studenteje i kanë vjedhur një shumë prej 300 eurosh.
Qytetari që raporton për JOQ.al thotë se 300 euroshin vajza e kishte marrë për të bërë pagesën e patentës.
Pasi alarmoi autobusin, ajo lajmëroi dhe policinë, por askush nuk mundi t’i gjente paratë.
Ndaj, bëni kujdes se nesër mund ta pësoni ju.
