Në 22 vjetorin e themelimit të Partisë Demokratike, selia blu publikoi atëherë një spot falenderimi ku i shprehte mirënjohje anëtarësisë së saj.
Teksa nga ai video-mesazh kanë kaluar 5 vjet, ajo që vihet re është se figurat kryesore e shfaqura janë eleminuar politikisht nga drejtimi i të gjithë strukturave të Partisë Demokratike.
Siç mund të shihet edhe nga pamjet, në spot shfaqet ish-sekretari i Përgjithshëm Ridvan Bode dhe dy nën kryetarët Astrit Patozi dhe Jozefina Topalli.
Javën e ardhshme Partia Demokratike feston 27 vjetorin e themelimit dhe dukshëm shihet qartë se figurat kryesore të saj që lidhnin anëtarësinë me qendrën, janë larguar nga çdo funksion.
Eleminimi politik i tyre shihet edhe si rezultat i kritikave që ata adresonin herë pas here ndaj kryedemokratit Lulzim Basha mbi mënyrën se si ai po udhëhiqte këtë forcë politike.
Nuk është zbuluar ende se çfarë spoti ka pregatitur selia blu për këtë 11 dhjetor ku vendin e figurave kryesore e ka zënë lista “Basha” e cila përbëhet nga Agron Shehaj tek Ervin Salianji dhe Klevis Balliu.
Faleminderit për 22 Vjet!
Posted by Partia Demokratike e Shqipërisë on Wednesday, December 12, 2012
