Kryeministri Edi Rama përmes një postimi në “Facebook” ka ndarë pamje nga punimet në spitalin Rajonal të Gjirokastrës. Rama shkruan se ky spital po rilind nga themelet dhe se në të ardhmen do t’iu shërbejë qytetarëve dhe turistëve që vizitojnë qytetin e gurtë. Sipas tij mbi 60 mijë banorë të zonës do të marrin shërbim në këto ambiente.
Nga pamjet e publikuara duken punimet që po kryehen në godinë ndërsa në disa pjesë të objektit janë përfunduar dhe po kryehen instalimet. Në pjesën tjetër po vijojnë punimet për të përfunduar projektin dhe vënien në punë të sitalit.
Spitali Rajonal i Gjirokastrës po rilind nga themelet, për t’u shërbyer mbi 60 mijë banorëve të zonës dhe qindra mijëra turistëve që vizitojnë qytetin e gurtë,” shkruan Rama.
