Për të kundërshtuar Ligjin e ri të Pensioneve, më shumë se 600 mjekë francezë kanë kërcënuar se do të japin dorëheqjen.
Më shumë se 600 mjekë francezë, duke kërcënuar me dorëheqje, kërkojnë nga qeveria franceze rritjen e financimeve në sektorit shëndetësor ndërkohë që mijëra prej tyre kanë dale në rrugë në të gjithë vendit, të organizuar me sindikatat, protesta të cilat prej një jave kanë gjunjëzuar qytetet kryesorë të Francës.
“Spitalet publike në Francë po vdesin”, thonë mjekët e spitaleve nga e gjithë Franca.
Reagimi i mjekëve vjen në një kohë kur Franca prej 12 ditësh është përfshirë nga grevat.
Dita e sotme ishte sërish e vështirë për udhëtarët që u përballën me pasiguri ndërsa përpiqeshin të shkonin në vendet e tyre të punës, me trenat dhe shërbimet e tjera të transportit më shumë se të përgjysmuara.
Protestuesit kundërshtojnë Ligjin e ri të Pensioneve, të planifikuar nga presidenti Macron.
Sindikatat e transportit u kanë kërkuan punonjësve të sektorëve të tjerë të ekonomisë, ti bashkohen lëvizjes për kushte dhe paga më të mira.
Parisi dhe shumë qytete të tjerë janë paralizuar. Aeroplanët, trenat, transporti urban, rafineritë madje dhe spitalet e shkollat publike, kanë pezulluar aktivitetet.
Policia i trembet lajmeve të përhapura se greva e përgjithshme mud të zgjasë deri në Krishtlindje.
