Një prodhues shqiptar ka përvetësuar emrin e pijes energjike B 52 duke e rregjistruar në gjykatat problematike shqiptare dhe tani vendi mund të përballet me rrezikun që qeveria hollandeze të vendos veton ndaj Shqipërisë për lejimin e këtij skandali.
Elvin Lako Drejtor i Drejtorisë së Markave dhe patentave ka pranuar I rregjsitruar nga Fiks Fare, se rregjistrimi nga gjykatat shqiptare I të njëjtit emër duke spekuluar me poduktin qindar vjeçar të kompanisë holandeze Bavaria mund të na sjell telashe.
“Unë e kam problem këtë se kjo B52-shi është ankuar qeveria holandeze, qeveria jonë ka qenë shumë e ndjeshme ndaj kësaj. Madje, ato (qeveria holandeze) thanë atëherë se do të kushtëzojnë dhe negociatat e BE-së, hyrjen dhe anëtarësimin në BE të Shqipërisë. Po. Ka ardhur me letër nga kryeministri që qeveria holandeze i ka vënë kusht Shqipërisë, që ndjekjen e të drejtave të pronësisë intelektuale. Atë logo që është shprehur Gjykata e Lartë. Unë kam siklet si do ja bëj kur të më thërrasin mua qeveria holandeze, dmth, i them unë: Kam zbatuar vendimin e gjykatës.”
Por me sa duket shtypi shqiptar në vend të alarmohet se si një kompani shqiptare ka piratuar emrin e një marke të njohur holandeze, ka filluar të shpall kompaninë treqindvjeare Bavaria të Holandës falco dhe pijen e klonuar në Shqipëri “origjinale”. Biles Top Channel ka hap lajmet duke mbrojtur spekulimin me emrin e B 52.
Javën që vjen përfaqësues të kompanisë holandeze dhe diplomatë holandez në Tiranë do të kenë takime zyrtare me qeverinë shqiptare për ti dhënë fund spekulimeve në tregun shqiptar ndaj një marke të njohur ndërkombëtare, duke reflektuar me këtë rast dhe me problem që ka drejtësia në Shqipëri.
