Prokuroria e Posaçme ka kërkuar ditën e sotme dënimin me 4 vite burg për ish-kryebashkiakun e Durrësit, Vangjush Dako.
Sipas SPAK, është vërtetuar shpërdorimi i detyrës nga ana e Dakos në dy raste.
Kujtojmë që Gjykata e Posaçme mori vendimin për lirimin nga qelia të Vangjush Dakos më 27 shkurt për shkak të kalimit të afateve të paraburgimit. Ky vendim u ankimua nga Prokuroria e Posaçme, e cila kundërshtoi vendimin dhe kërkoi rikthimin e ish-kryebashkiakut socialist në burg, megjithatë togat e zeza të Apelit vendosën ta linin në fuqi.
Në seancën e sotme ishte i pranishëm avokati i tij mbrojtës, ndërkohë që mungon Dako. Nuk janë të pranishëm edhe Shyqyri Farruku, Ardian Bulku.
