Gjyqtarja e seancës paraprake Flojera Davidhi, i kërkon SPAK të rikualifikojë akuzën për ish ministrin Ilir Beqaj, ish zëvendësin e tij Klodian Rjepaj dhe biznesmenin Ilir Rrapaj, duke i akuzuar për vjedhje duke shpërdoruar detyrën në kuadër të grupit të strukturuar kriminal.
Është një akuzë më e rëndë se sa ajo që kishte dërguar Prokuroria në seancën paraprake.
SPAK kishte dërguar për gjykim dosjen e Sterilizimit, duke akuzuar Beqajn për shpërdorim detyre. Ndërsa ndaj Rjepajt dhe Rrapajt dosja kishte akuzën e mashtrimit me pasoja të rënda në bashkëpunim.
Prokurorët e çështjes morën 30 minuta kohë për kërkesën e gjyqtares, nëse do të pranojnë t’ja ndryshojnë akuzën ish ministrit.
