Ish-kryeministri Sali Berisha ka ngritur shqetësimin e realizimit të tenderave për blerjen e energjisë në vendin tonë.
Në një konferencë për gazetarët, Berisha deklaroi se tenderat sot bëhen në një platformë të pacertifikuar dhe të fshehtë.
Sipas tij, ekipi i vjedhjes e shiste energjinë me 40 euro kur në bursë blihej me mbi 100 euro.
“Me këto 60 tendera të realizuara me një platformë të pacertifikuar dhe të fshehtë. Nuk mund t’i ndiqni. Kur KESH-i bënte tenderin e bënte përpara jush, i hapte zarfat përpara jush. Sot platforma është sekrete. Platforma është e pacertifikuar. Pra, janë blerë rreth 300 mln euro. Ndarë dhe vjedhje me qeveritarët.
Çmimi që thotë Edi Rama 600 euro në bursë, është 300 euro në bursë dhe 300 euro në xhep të qeveritarëve. Çmimi në bursë është 300-320 euro në maksimum. Por ekipi i vjedhjes me energji, ka shitur energji KESH-i me 40 euro në një kohë kur ajo shitej në bursë me mbi 100. Ka blerë me 250 euro ndërkohë që në bursë shitej me 84 euro. Po bëhet një vjedhje e paimagjinueshme me çmimet.
Midis KESH-it të Shqipërisë dhe KEK-ut në Kosovës ekziston një marrëveshje. KEK depoziton në kohë piku për KESH-in e Shqipërisë, një milionë euro në ditë. Në total 45 mijë megavat. Çfarë bën KESH? Siç e merr energjinë, e eksporton në pikë, gjoja për optimizim. Ndërkohë marrëveshja ndalon eksportin e saj” – tha Berisha.
