Panairi i 20-ë i Librit i cili po zhvillohet prej datës 15 nëntor në Pallatin e Kongreseve ka patur një pjesëmarrje të lartë edhe këtë vit, duke dëshmuar se interesi i shqiptarëve për leximin është i madh.
Por, kush është libri më i shitur deri më tani, kur na ndan edhe një ditë nga mbyllja e Panairit? Shifrat tregojnë se libri që po thyen çdo rekord shitjeje është ai i Alfred Pezës, i titulluar “SARAH”, botuar nga shtëpia botuese “UET PRES”.
Sipas burimeve nga shtëpia botuese, në Panair ka mbërritur tirazhi i tretë i “SARAH”, pasi dy të parët janë “përpirë” nga lexuesit me një frymë, duke tejkaluar çdo parashikueshmëri edhe të vetë shtëpisë botuese.
Vetë autori Alfred Peza në shumicën e kohës ka qenë edhe vëtë i pranishëm në panair për të firmosur autografe për blerësit e panumërt dhe nesër që është dita e fundit e panairit mësohet se do të jetë i pranishëm gjatë gjithë ditës.
Libri “SARAH” i Pezës u promovua para rreth 6-javësh në një cerëmoni ku morën pjesë intektualë, artistë, gazetarë dhe zyrtarë të lartë. Ngjarjet në librin “SARAH” zhvillohen në Tiranën e viteve ’20-’30, para luftës së Dytë Botërore. Protagonistët kryesorë janë Mbreti Zog I dhe Sara Blloshmi, mbesa e Ismail Qemalit, e konsideruar si gruaja më e bukur e Shqipërisë së shekullit XX.
(m.f)/LEXO.AL
