Pavarësisht situatës alarmante të krijuar në vend si pasojë e përhapjes masive të COVID 19 ku vetëm sot janë regjistruar 90 raste të reja, ish-deputeti i PD Bardh Spahia, duket i pashqetësuar nga ky fakt.
Spahia, i cili vlen të theksohet se është mjek në profesion, ka mbledhur demokratët e Fierit, ngjitur e ngjitur me njëri-tjetrin për një takim elektoral, ndërkohë që një gjë e tillë është kategorikisht e ndaluar.
E megjithatë, ish-deputeti nuk e ka mendjen te virusi por te fitorja e PD.
“Takim i shkëlqyer me kryesinë e zgjeruar të demokratëve të Fierit për fillimin e fazës së parë të procesit të propozimit, konsultimit e përzgjedhjes së kandidaturave për përfaqësim politik të PD.
Të motivuar, plot energji e gatishmëri për fitoren e Partisë Demokratike, për të tashmen e të ardhmen e cdo shqiptari e të atdheut tonë të përbashkët. #FitorePD”, shkruan Spahia.
