Deputeti Agron Shehaj është rreshtuar krah protestës kundër resortit luksoz që pritet të ndërtohet në Zvërnec, por vetëm pak kohë më parë bënte thirrje që dhëndrit të Trump t’i shtrohej tapet i kuq.
Një video e publikuar nga blogerja Gerta Shino ka mjaftuar për të nxjerrë në pah besueshmërinë e Shehajt si politikan. Në këtë video, Shehaj shfaqet pak kohë më parë në një intervistë televizive duke deklaruar mbështetjen e tij për investime të tilla të huaja, e madje duke kërkuar që dhëndrit të presidentit amerikan, Jared Kushnerit, t’i shtrohet edhe tapet i kuq.
“Një investitor serioz si Kushner, vjen e thotë do të investoj 1 miliardë apo 2 miliardë, do t’i shtroni tapetin e kuq. Dikush që vjen e thotë unë do investoj, dhe është investitor serioz, do t’i shtroni tapetin e kuq nuk ka asnjë diskutim me ketë gjë”, shprehej më parë Shehaj.
