E marta në mbrëmje nuk shquhet si një kohë televizive e dominuar nga politika, por gjithësesi nata e sotme do të dominohet fort nga akuzat dhe kundër akuzat. Ish kryeministri Berisha ka vendosur të rikthehet në studion e analistit Artur Zheji, ku në emisionin 360gradë do të përgjigjet live për pyetjet:
Pse Doktori nuk e ndaloi dot përçarjen e Partisë Demokratike?
Cilat janë pikat e dobëta të qeverisjes Rama dhe kush është projekti final i Opozitës?
Pse duket sikur Rama po përgatitet për zgjedhje të parakohshme?
Pse analistët amerikanë e paralajmërojnë Ramën për një afrim në momentin e gabuar me Erdoganin?Financimet ruse në PD, sipas “Mother Jones”, cila është e vërteta?
Çështja Tahiri… do të ketë një përplasje Rama-Tahiri herët a vonë?
Po këtë temë, atë për Tahirin pra, do të cekë edhe emisioni Top Show në Top Channel, ku do të jetë i ftuar kryeministri Rama i cili do të prononcohet edhe për integrimin europian të Shqipërisë.
I vetmi ndryshim i kësaj të marte është fakti se ne betejen per audience, dy liderët nuk do të përballen kokë më kokë në të njëjtën orë, siç është bërë zakon gjatë emisioneve të së enjtes. Berisha të Zheji fillon në ora 21 00 ndërsa Rama tek Dudushi rreth orës 23.
