Puntata e sotme në “C`est la vie” kishte e ka ende supriza për të bërë, po ajo më e madhja ishte Marina. Nëse do ta kishim përballë, jo përmes televizorit do ta pyesnim: “Marina, ti je motër?” Ku iku ajo diva e skenës që bërtiste ndonjëherë plot e disa herë kot? Mbase jo për fajin e saj, po ndoshta se të tjerët e frynë. Ose kalimi nga roli mbështetës i një emisioni sportiv, në skenën e madhe të Tv Klan, i kërkoi kohë sa të ambientohej. Po pikërisht ajo skena ka parë shumë, e ka harruar disa. Se atje në Klan të harrojnë shpejt. Sa mirë që shkoi ajo Marinë, veçse përse tani? Duket sikur duhej të vdiste Lalo që të shtrohej Marina. Kur themi të shtrohej, e kemi fjalën vetëm për intonacionin e zërit. Pikërisht atij që Lalo e kishte me merak gjithë jetën, se kjo ishte puna e tij. Se duhet intonacion në të kënduar, por edhe në të prezantuar, madje edhe në të biseduar. Sot, si për ditë zie, Marina na habiti. Ky është tonaliteti që donim dhe që duhet në fakt. Ai që ta pranon veshi, e që s`ke pse ia ul zërin televizorit, sa herë del prezantuesja. Hë tani, se të gjithë e bëmë këtë në tre javët e para të “C`est la vie”.
Marina, e dashur, qëndro këtu. S`e ke idenë sa mirë që je sot. Madje, madje, po të ishte Lalo aty, do të të komplimentonte.
Tiranapost.al