Për herë të parë, pjesa më e madhe e britanikëve mbështesin zhvillimin e një referendumi tjetër për rezultatin përfundimtar të negociatave për Brexit, sipas një sondazhi të publikuar sot, ndërkohë që Brukseli pritet të refuzojë propozimet e reja të Londrës për një bashkëpunim të ardhshëm doganor.
Rreth 42% e britanikëve e vlerësojnë të nevojshëm organizimin e një referendumi të ri në përfundim të negociatave, ndërkohë që 40% nuk e dëshirojnë këtë, sipas sondazhit të realizuar me 1 653 persona nga instituti YouGov për të përditshmen “The Times”.
Ideja për një referendum të ri, mbështetur veçanërisht nga organizata “People’s vote”, ka fituar terren këto javët e fundit me mbështetjen e dhënë veçanërisht javën e kaluar nga ish-ministrja e arsimit, Justine Greening.
Një peticion në këtë kuadër publikuar dje nga e përditshmja “The Independent” mblodhi më shumë se 200 000 nënshkrime.
Ky propozim parashikon ruajtjen e lidhjeve tregtare të ngushta me kontinentin pas Brexit, parashikuar më 29 mars 2019 duke ngritur një sistem të ri kontrolli dhe mbledhjen e tarifave doganore në kufirin me BE-në.
