Vullnetarë nga vende të ndryshme të botës mbërritën menjëherë në Shqipëri për të mbështetur banorët e prekur nga tërmeti i fortë që goditi vendin tone mëngjesin e 26 nëntorit që la pas 51 të vdekur e mbi 900 të plagosur.
Mimi Marco, përgjegjës shëndeti në një shoqëri vullnetarësh në Skandicci, provincë e Firences në Itali prej një jave ndodhet në Shqipëri.
Për Marcon është hera e parë që viziton Shqipërinë, ndërsa nuk e fsheh krenarinë që ndodhet në Shqipëri për të ndihmuar sadopak të prekurit nga tërmeti.
“Për mua është hera e parë që jam në Shqipëri dhe është një krenari që si italian jam këtu për të ndihmuar. Ajo që më ka prekur më shumë është fakti se mbrëmë ka pasur një tërmet në Itali. Ne ishim këtu duke vëzhguar dhe mbështetur personat në tenda, që pavarësisht temperaturave të ulëta dhe faktit që kanë humbur banesat e tyre, kanë forcën për të vijuar përpara. Kjo është më e bukura”, -shprehet Marco.
Video/ Mjeku italian për ATSH-në: Shqiptarët kanë forcën për të vijuar përpara pas tërmetit
Video/ Mjeku italian për ATSH-në: Shqiptarët kanë forcën për të vijuar përpara pas tërmetit Kemi takuar persona me probleme shëndetësore dhe të vendosurit në tenda. Në veçanti kemi vizituar banorët e prekur nga tërmeti në zonat e thella, në zonën e Laçit dhe Milotit. Kemi vizituar mbi 200 persona në ditë dhe kemi asistuar transportimin në spitale të personave me probleme. Kemi bashkëpunuar dhe me mjekët në dhomat mjekësore të ngritura në hotelet, ku janë strehuar banorët e prekur nga tërmeti”, shprehet për ATSH-në, Marco.http://ata.gov.al/2019/12/13/video-mjeku-italian-per-atsh-ne-shqiptaret-kane-forcen-per-te-vijuar-perpara-pas-termetit/
Gepostet von Agjencia Telegrafike Shqiptare am Freitag, 13. Dezember 2019
