Skualifikimi i Klevis Balliut nga lista e kandidatëve për deputet të PD në Pogradec, ka shkaktuar jo pak zhurmë veçanërisht midis demokratëve.
Ndërkohe që nga ish deputeti ende nuk ka asnjë reagim, por vetëm heshtje (ka ndaluar edhe së shpërndari postimet e kryetarit), ka qenë kreu i opozitës Lulzim Basha ai që sot i ka treguar perfundimisht “derën” djalit të Fahri Balliut.
Thënë kjo pasi kryedemokrati u shpreh se ata që kane humbur nuk janë skualifikuar por do të bëhen pjesë e burimeve njerezore të PD.
Kjo e fundit duket si një menyrë për të qetesuar situatën, pasi dihet se Balliu nuk pret të jete pjesë e Burimeve njerëzore por shumëçka tjetër, veçanërisht pas aksionit të “Astirit” ku dhe është shoqëruar jo pak herë në polici.
Zërat se ish deputeti mund ti bashkohet LSI, kanë qenë të shumta dhe habi nuk ka. Ishte vetë Fahriu Balliu ai që para pak ditësh, ne një prej emisioneve të mbremjes superlativat i kishte ruajtur për Ilir Metën dhe jo për Lulzim Bashën.
Një ditë më parë vetë Klevis Balliu zhvilloi një takim mbi 90 minuta në selinë blu, ku u fut me një dosje dhe doli pa të.
Edhe kreu i maxhorancës e kryeministri Edi Rama, në tone humori u shpreh dje gjatë Asamblesë se banorët e Unazes së re kërkojnë rikthimin e Klevis Balliut, tek “Bashkëqeverisja”. Rama shtoi gjithashtu se procesi i përzgjedhjes së kandidatëve nga PD, është i vetmi ku qytetarët votojnë ata që nuk duan.
AlpeNews.al