Policia e Tiranës ka ndaluar dy shtetas, pasi dyshohet se në bashkëpunim me njëri-tjetrin, kanë krijuar skema mashtrimi dhe kanë fshehur të ardhurat.
Sipas polcisë ata kanë shkaktuar një dëm prej 86.000.000 lekë, dhe gjatë operacionit janë sekuestruar dhe një sasi dokumentesh.
Njoftimi i policisë
Më datë 30.06.2018, u ndaluan shtetasit E. T., 31 vjeç dhe L. B., 31 vjeç, banues në Kamzë e Tiranë, pasi dyshohet se këta shtetas në bashkëpunim me njëri-tjetrin, në disa subjekte, kanë krijuar skema mashtrimi në lidhje me tatimin mbi vlerën e shtuar, fshehjen e të ardhurave, falsifikimin i vulave, i stampave ose i formuluarve, duke shkaktuar dëme në shumën prej 86.000.000 lekë. Në cilësinë e provës materiale u sekuestruan, një studio kontabël (me administrator shtetasin E. T.), 7 kasa fiskale, 10 vula të subjekteve private, një sasi dokumentacioni dhe fatura tatimore e jo tatimore. Nenet 144/a, 180 e 190/2 të Kodit Penal.
