Kryeministri Edi Rama ka treguar një tjetër rast të përfitimit nga skema ekonomike, ku familja nga Hasi me kushte më të mira përfitonte nga skema ekonomike, ndërsa familja me kushte të vështira ishte përjashtuar nga kjo skemë.
Përmes një statusi në rrjetin social “Facebook”, Rama e ka shoqëruar postimin e tij me një foto të ndarë në dy pjesë, ku tregohen qartë kushtet në të cilat ndodheshin të dyja familjet.
MESAZHI I RAMES
Lart, vila 3 katëshe e I.U në Has që deri dje merrte çdo muaj ndihmë ekonomike dhe poshtë shtëpia e R.B po në Has që nuk përfitonte ndihmë ekonomike. Me skemën e re, I.U është përjashtuar dhe R.B është përfshirë në skemë.
Fotot tregojnë qartë se cila nga kwto dy familje është më në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.
