Presidenti Donald Trump ka dënuar ish-avokatin e tij Michael Cohen pas raporteve të medias amerikane se ai kishte regjistruar fshehurazi Donald Trump duke diskutuar për pagesat për një modele të ish-Playboy.
Kasetat thuhet se janë zbuluar gjatë një kontrolli të FBI në një nga pronat e Cohen gjatë këtj viti në Nju Jork.
FBI bastisi shtëpinë, dhomën e hotelit dhe zyrat e Cohen në prill, me një kërkesë nga këshilltari special Robert Mueller. Trump denoncoi bastisjen si një “sulm ndaj vendit tonë, në një kuptim të vërtetë”. Cohen ka thënë se agjentët ishin “të respektueshëm, të sjellshëm dhe profesionalë”.
Trump me anë të një mesazhi në Twitter thotë se ky sulm ishte “pothuajse i panjohur”.
Ai shtoi se një avokat që regjistron fshehurazi një klient ishte “krejtësisht i padëgjuar dhe ndoshta e paligjshme”.
Presidenti gjithashtu këmbënguli se ai nuk kishte bërë asgjë të gabuar.
New York Times raporton se në regjistrim, Trump dhe Cohen diskutojnë duke për të paguar Karen McDougal, e cila thotë se kishte një lidhje me ish-kandidatin presidencial të asaj kohe Donald Trump.
Regjistrimi thuhet se është bërë dy muaj para zgjedhjeve të vitit 2016 ku më pas Trump zgjidhet president.
Departamenti i Drejtësisë po shqyrton paratë e dyshuara të paguara për gratë që pretendojnë se kishin marrëdhënie me Trump.
Cohen, që nuk është akuzuar formalisht, është nën hetim për mashtrim të mundshëm me taksat si edhe shkelje të mundshme të ligjit zgjedhor. Të premten, një tjetër avokat i Trump, Rudy Giuliani, konfirmoi për New York Times se presidenti kishte diskutuar për pagesat me Cohen.
Në prag të zgjedhjeve presidenciale të 2016, McDougal, ia shiti historinë e saj National Enquirer, në pronësinë e një miku personal të trump. Ajo thotë se marrëveshja 150 mijë dollarëshe, i dha tabloidit të drejtat ekskluzive për ngjarjen dhe e pengoi atë të flasë publikisht për aferën e supozuar.
Por, The Enquirer, nuk publikoi asgjë dhe ajo thotë se është mashtruar. Ajo pretendon se ka pasur një aferë 10 mujore me trump në 2005, një vit pasi ai u martua Melanian.
