CEO i konkursit të bukurisë, Miss America ka dhënë dorëheqjen pas skandalit të publikuar ditën e djeshme se ai kishte dërguar disa e-maile ku ofendonte konkurrentet e viteve të kaluara, si dhe duke folur për jetën e tyre seksuale.
Megjithatë, Sam Haskell u përjashtua nga bordi i drejtorëve të konkursit para se të jepte dorëheqjen.
Ishte Huffington Post ajo që publikoi e para skandalin ku u përfshi Haskell. Ai kishte përdorur një gjuhë ofenduese dhe përçmuese ndaj miseve të Amerikës. Fituesja e mëparshme e konkursit, Mallory Hagan ishte në qendër të komenteve.
Haskell e kishte tallur për jetën seksuale, ndërkohë që Hagan pasi fitoi konkursin e vitit 2013 ishte përpjekur të dëmtonte karrierën e tij.
Duke folur për median amerikane NBC në përgjigje të skandalit, Hagan tha se nuk ishte e tronditur dhe se e dinte këtë gjë.
Në një video në Facebook Live, Hagan tha:
“I kam ndjerë këto komente ofenduese kohë më parë por nuk kisha prova kundër tij. Tashmë drejtësia po vihet”.
Në një deklaratë të postuar në ‘Twitter‘ Bordi i Drejtorëve njoftuan se pranuan dorëheqjen e Haskell dhe e falënderuan për kontributet që kishte dhënë gjatë viteve për konkursin.
