Po flasim për ca numra që do të të ndihmojnë në lojën e joshjes. Të tipit në ç’moshë ai është gati për një lidhje serioze. Ose sa sekonda i duhen për të kuptuar se ti je e veçantë.
2 Numri i herëve që duhet të përsërisësh emrin e djalit që të pëlqen ndërsa je duke i folur. Duke të dëgjuar ta shqiptosh, ai në mënyrë të pandërgjegjshme do të ndihet i lidhur pas teje. Por kujdes se mos e ekzagjerosh. Nëse e përsërit më shpesh mund të dukesh e bezdisshme.
92 Përqindja e meshkujve single që mendojnë se një darkë jashtë është vendi më i mirë për takimin e parë.
97 Ditët e nevojshme që i duhen një mashkulli për të të thënë më në fund “Të dua”.
78 Është përqindja e burrave që i hedhin një sy profilit tënd në “Facebook”, para se të dilni për të pirë një gotë.
5 Është numri i prekjeve “të rastësishme” që duhet t’i japësh ndërsa i flet. T’i prekësh lehtë krahun ose faqen apo edhe gjurin kur të jeni të ulur në tavolinë. Kjo shërben për t’i dhënë një mesazh të qartë. Sepse burrat nuk janë shumë të zotët për të lexuar mes rreshtave.
30 cm është “zona e intimitetit”. Domethënë distanca që duhet të keni nga njëri-tjetri në takimin e parë, nëse kërkon që t’i bësh të qartë se e pëlqen shumë.
7,3 është sasia e sekondave gjatë të cilave një mashkull që sapo të njeh do të qëndrojë me vështrimin e fiksuar pas buzëve të tua, nëse i ke lyer me një buzëkuq të kuq flakë. (2,2 nëse i ke lënë buzët në gjendje natyrale).
22 Burrat që duhet të puthësh para se të gjesh se cili është ai që bën për ty. (mesatarisht 22).
21-34 Në këtë periudhë moshe pjesa më e madhe e meshkujve do të donin të kishin fëmijë. Ose që janë në kërkim të një lidhjeje të qëndrueshme.
6 Numri i takimeve me një mashkull skandaloz që duhet të kalosh gjatë gjithë jetës.
50 euro është shuma mesatare që një mashkull është i gatshëm të shpenzojë gjatë takimeve të para romantike të fillimit të një lidhjeje, nëpër darka, kinema, shëtitje.
20 Minutat që i duhen për të vendosur nëse ka dëshirë që të dalë sërish me ty apo jo.
8 Janë herët që duhet të dalësh me një burrë, para se t’ua prezantosh mikeshave të tua. Sipas ekspertëve, vetëm pasi të kesh forcuar ndjenjat që ke për të, je gati të dëgjosh edhe mendimet e të tjerëve (që mund të jenë ndryshe nga të tuat).