Mediat italiane zbardhën ditën e sotme hetimet e drejtësisë italiane lidhur me një fushatë denigruese të ndërmarrë nga këshilltari i presidentit Ilir Meta , Ilir Kulla , i cili kishte përfshirë në një skemë ish – senatorin Sergio De Gregorio .
Fushata kishte për synim fabrikimin e disa lajmeve të rreme për ardhjen e mbetjeve kimike nga Italia në Shqipëri . Fake news – et për 1300 kontenierë , u shfrytëzuan menjëherë nga kryedemokrati Lulzim Basha i cili u përpoq t’i bëjë jehonë këtyre prodhimeve . Edhe pse ky informacion dihej prej tij se ishte i fabrikuar , Basha nga çadra e protestës shprehej :
” Sot që jemi këtu me sa duket lajmet po shpërthejnë nga të gjitha anët , po presim konfirmimin e plotë të tyre , por me sa duket ndodhemi pëpara një krimi të pëmasave të paimagjinueshme . Bëhet fjalë për 1300 kontenierë , jo fuçi , kontenierë , secili prej tyre me peshë 30 ton , që mund të jenë futur në Shqipëri kundër ligjit , kundër Kushtetutës , kundër vullnetit të qytetarëve shqiptarë dhe që rrezikojnë në mënyrë fondamentale sigurinë dhe shëndetin e shqiptarëve në ato zona ku janë futur ” , shprehej Basha duke synuar goditjen e qeverisë “ Rama ” .
Skandalin e plotë të publikuar ditën e sotme mund ta lexoni duke klikuar (KËTU)
