Procesi në ngarkim të administratorit të kompanisë DIA, e ngarkuar për mbledhjen e borxheve të ish-kompanisë CEZ duket se do të marrë një kthesë të papritur.
Teksa ishte parashikuar që sot të jepej vendimi për Ismailajn, i akuzuar për mashtrim duke i shkaktuar shtetit dëm miliona euro, ky i fundit ka surprizuar sot trupin gjykues.
Ismailaj ka ngritur pretendimet se posedon mbi 100 prova të reja të cilat sipas tij nuk janë shqyrtuar. Ai ka kërkuar riçeljen e procesit për tu marrë në konsideratë provat e reja që sipas tij e nxjerrin të pafajshëm.
Më herët, në pretencën e dhënë, prokuroria ka kërkuar dënimin e Ismailajt me 15 vite burg. Tashmë mbetet të presim vendimin që do të marrë gjykata lidhur me këtë kërkesë të papritur
