Ditën e sotme në seancën plenare në Kuvendin e Shqipërisë u përfol çështja e deputeti të PS Alket Hyseni, i emëruar së fundmi nga Rama drejtor i Hipotekës në Tiranë.
Hyseni dhe çështja e tij e vjedhjes së tokave në fshatrat e Vlorës ka bërë xhiron e mediave ditët e fundit, ndërkohë që edhe akuzat nga opozita nuk kanë qenë të pakta.
Një tjetër skandal u përmend si “hakmarrje” nga deputetët e PS paraditen e sotme në parlament ku zbulohej abuzimi që kishte bërë deputeti i PD Flamur Noka me banesat për të pastrehët.
Ai ka pajisur me apartamente si të pastrehë në Sarandë, njerëz që nuk kishin asnjë lidhje me këtë qytet.
Mes tyre bëjnë pjesë dy vëllezërit e tij, që ishin emigrantë, e motra, Lule Basha (versioni femëror i emrit të kryetarit të PD), por dhe shtetas të huaj, raporton gazeta TemA. Mes përfituesve të banesave është edhe një shtetase belge, e cila raportohet se është bashkëshortja e vëllait të Flamur Nokës.
Madje, në listën që kanë përfituar apartamente në Sarandë si të pastrehë, janë edhe milionerë.
Një prej tyre është Shkëlqim Beshiri.
Për të gjithë ata që nuk e njohin, Beshiri, përveçe milioner, është edhe mik i ngushtë i Shkëlzen Berishës dhe ish-kryeprokurorit Adriatik Llalla.
Pikërisht falë këtij të fundit, Flamur Noka ka mundur të shpëtojë pa asnjë hetim, për masakrën që ka bërë në Sarandë, duke iu dhënë banesa sit ë pastrehë, njerëzve që nuk kanë asnjë lidhje me këtë qytet.
Ky është një skandal që duhet hetuar nga Prokuroria, pasi është një vjedhje e pastër, nga një njeri që ka bërë me shtëpi pushimi në Sarandë, vëllezërit e tij, motrën, dhe gjithë miqtë e tij dhe miqve të tij.
Më poshtë, famsikilet e siguruara tregojnë se si ka përfituar vëllai, motra e Nokës, qytetarë të huaj dhe Shkëlqim Beshiri.
