Fatbardh Kadilli duket se nuk trembet nga kandidatë e tjerë për kreun e PD me të cilët garon duke thënë se ai nuk ka rival as Bashën dhe as të tjetër, kjo sipas tij ato nuk ofrojnë asnjë ide dhe program të ri, por gjëra të konsumuara dhe të dëgjuara.
“Nuk kam asnjë rival as Bashën e as të tjetër, asgjë nuk propozojnë të re, janë të konsumuara dhe të dëgjuara, propozimi i ri është ky manifest politik i imi për një PD të hapur dhe fituese”, tha Kadilli.
Nënvlerësimi i figurave të kandidatëve të tjerë nga Kadilli ishte edhe më i rëndë ku u pyet se mos po garon për vendin dy në parti, duke thënë se përveç tij dhe zotit Basha, të tjerë mund të garojnë për vendin dy që janë Edith Harxhi dhe Agron Shehaj.
“Përveç meje dhe zotit Basha , të tjerët mund të luajnë për numrin 2. Por as unë as Basha nuk garojmë për vendin e dy”, tha Kadilli.
