Situata e COVID-19 në Gjermani është ende problematike. Kjo është konfirmuar herë pas here edhe nga kancelarja gjermane Angela Merkel.
Në seancën e fundit parlamentare në Gjermani, Merkel ka theksuar se vala e tretë ka rënë në vend, e shtoi se për të kaluar këtë situatë ka nevojë për kontributin e shtetit, politikës, shoqërisë, pra me pak fjalë, të gjithëve.
“Vala e tretë e ka vendin tonë fort në kthetrat e saj. Mjekët dhe infermierët nuk mund të fitojnë vetëm luftën kundër virusit. Ata kanë nevojë për mbështetjen e shtetit, politikës, shoqërisë – të të gjithë ne”, thuhet në një foto që Merkel ka postuar në rrjete sociale.
Gjatë ditës së sotme Merkel pritet të vaksinohet me vaksinën “AstraZeneca”. Kjo është konfirmuar nga kreu i Agjencisë së Kontrollit të Sëmundjeve në Gjermani, Lothar Wieler.
Kancelarja do të behet zyrtarja e parë gjermane, që do të vaksinohet me vaksinën e prodhuar nga “AstraZeneca”, pas shumë polemikave se kjo e fundit shkakton mpiksje të gjakut.
Megjithatë, OBSH dhe Agjencia Evropiane e Barnave ka deklaruar sistematikisht se “AstaraZeneca” është e sigurt dhe dëmet që mund të shkaktojnë janë të papërfillshme krahasuar me të mirat që sjell për rritjen e imunitetin dhe luftimin e COVID-19 në organizëm.
