Vala e dytë e Covid që ka mbërthyer botën ka rritur numrin e infektimeve dhe të fataliteve. Sipas mediave botërore numri i të infektuarve në të gjithë globin ka kaluar 38 milionë.
Këto janë të dhënat qe jep Universiteti Johns Hopkins, ku numërohen 38,130,829 të infektuar nga Covid-19 në të gjithë botën që kur virusi u shfaq në fund të vitit të kaluar, ndërsa 1,086,056 persona kanë humbur betejën me këtë sëmundje.
Në SHBA kanë vdekur 251,910 persona, ndërsa Brazili është shteti i dytë më i prekur me 150,998 të vdekur, i ndjekur nga India me 110,586 humbje jete. Këto tre shtete kanë edhe numrin më të lartë të infektuar që shkojnë nga 5 deri në rreth 8 milionë.
Në Europë, Italia, Franca, Spanja dhe Britania e Madhe kanë numrin më të lartë të infektuarve.
Për shkak të rritjes së numrit të infeksioneve dhe nisja e një vale të dytë, shumë shtete kanë rikthyer masat e ashpra.
