Kur jeni në fillim të lidhjes tuaj, festa e Shën Valentinit më tepër duket e sikletshme sesa romantike. Ju nuk dini se çfarë plani të krijoni, nuk dini nëse duhet apo jo të bëni diçka speciale, a duhet të blini dhuratë dhe shumë dilema të tjera si këto. Ekspertët e lidhjeve kanë dhënë këshillat e tyre:
Flisni me partnerin ose partneren më përpara
Përpara se të bëni plane duhet patjetër të diskutoni fillimisht disa gjëra me personin që jeni në një lidhje. Ndoshta jeni ende në hapat e para dhe nuk e dini me siguri çfarë pëlqen dhe nuk pëlqen çdokush prej jush. Mos rrezikoni, por binduni më parë! Mos jini surprizues që në fillim. Pyesni se çfarë pëlqen partneri apo partnerja të bëjë dhe mundohuni ta realizoni sa më mirë të jetë e mundur atë që kërkon.
Nëse nuk është një lidhje serioze, evitojini udhëtimet
Sigurisht që është e vështirë ta kuptoni fillimisht nëse është një lidhje serioze ose jo, por me siguri ju e keni tashmë një ide nëse kjo është nga ato lidhjet që do të rezistojë apo është thjesht një lidhje kalimtare. Mos investoni shumë në udhëtime dhe gjëra të tilla nëse është diçka kalimtare sepse jo vetëm do të krijoni një lëmsh por do të rrisni pritshmëri të kota te personi tjetër.
Nëse është një lidhje serioze, sërish fokusohuni tek organizimi, jo te dhuratat
Dhuratat janë shumë klishe. Ju mund të bëni një dhuratë kurdo që keni dëshirë dhe nuk keni pse të prisni këtë datë për të bërë diçka. Merruni me organizimin e diçkaje të veçantë për të cilën keni folur paraprakisht dhe aty nxirrni gjithë potencialin tuaj të kreativitetit.
