Çdo ditë është e pashmangshme të mos përballemi me situata që na stresojnë, duke nisur që nga familja, shoqëria apo edhe mjedisi i punës.
Kjo bën që të përjetojmë shpeshherë ndjenjën e ankthit. Por Emmy Low Knowles, një trajnere e njohur meditimi ka treguar për Daily Mail se kur shqetësimet na mbysin, gjëja më e rëndësishme që duhet të bëjmë është të krijojmë hapësirë për veten.
“Kur ju mbysin shqetësimet dhe stresi, duhet të krijoni hapësirë. Nuk keni nevojë për temjan, qirinj, apo të uleni në dysheme me këmbët kryq, duhet të jeni më realiste”, ka thënë ajo.
Sipas Emmy-t gjithçka që duhet është të mbyllni sytë, ose thjesht të ngulitni sytë diku nëse jeni në tavolinën e punës dhe të vendosni këmbët në dyshme për qëndrueshmëri. Më pas, kthejeni gjithë fokusin tuaj në frymëmarrje, duke marrë frymë thellë për të thithur oksigjen me barkun përmes hundës. Pastaj, thjesht psherëtini. “Një psherëtimë është e mrekullueshme dhe efektive për t’i thënë trupit se jemi duke shkuar në gjendjen e mëparshme të qetësisë”, ka rrëfyer ajo.
Emmy Lou thotë se megjithatë mund ta bëni më shumë se tetë herë, nëse ndiheni mirë dhe rehat, duke zbutur shpatullat, sytë, gojën dhe ballin./shije
