Si të mos mjaftonin shifrat gjithnje e në rënie ne sondazhe, largimet nga anëtarësia e LSI drejt forcës politike të PS sa vijnë e po rriten dita ditës.
Këto të fundit duket se kanë bere me “dhimbje koke” kryetaren e LSI Monika Kryemadhi e cila herë vetë e herë me anetare te tjerë të partisë, ka bërë reagime aspak të qeta dhe me tone të ashpra.
Ai më i bujshmi ishte i ish ministrit Nasip Naço, i cili para pak ditësh njoftoi largimin nga kjo forcë duke e emëruar si “eksperiment politik”. Naço shtoi gjithashtu se e ardhmja i perket te majtës progresiste.
Pas tij u larguan edhe Aleksandër Lipivani e Gledion Rehovica, të dy pjesë aktive e partisë.
Eksperimenti LSI për mua sot ka mbaruar, Berati ka nevojë për punë dhe progres, ka nevojë te eci përpara dhe këtë mund ta bëjë vetëm PS-ja me Edi Ramën Kryeministër! Jo se PS-ja nuk ka të meta e gabime, po është e vetmja parti me vision sot”, tha Rehovica.
Të gjitha keto rrjedhje ne Berat duket se shkaktuan edhe ate perfundimtaren pasi vetem dy dite me pare u shkri e gjithe dega e LSI në Gjeroven te Beratit pasi dhe kryetari dha doreheqjen nga kjo force dhe posti qe mbante deri ne ate moment. (Kliko këtu).
Sot, një prej deputeteve të Kuvendit që pranoi mandatin e ardhur nga listat e LSI u bashkua me PS.
Bëhet fjalë për ish-deputeten e LSI në Tepelenë, Ediola Braha, e cila tashmë ka vendosur të lerë perfundimisht pas Metën e Kryemadhin.
Lajmin e dha ministri i brendshem Çuçi. Ky i fundit nuk u prit mirë pasi erdhen menjehere replikat nga selia e LSI me anë të Vangjel Tavos i cili shkruante se deputetja e ikur ishte.
Një tjeter ze kritik edhe ai i larguar nga LSI është edhe Elez Gjoza. Në nje interviste 2 jave me parë u shpreh se e vetmja tradhtare ne këtë mes është LSI pasi ka bere vazhdimisht marrëveshje me PD,PS dhe serisht PD.
Nuk kam gjë me Kryemadhin, por kurrsesi nuk mund të bëjë punën e Metës. Me marrjen e partisë nga Kryemadhi, LSI ka rrjedhje te vazhdueshme , mënyra e menaxhimit nuk është ajo që prodhonte Ilir Meta.
Kuptohet që çfarëdo të thuhet Kryemadhi dhe ekipi i saj i mbetur, duket ta kenë tejet te veshtirë betejën në 25 prill.
AlpeNews.al