Dega e Lëvizjes Socialiste për Integrim në fshatin Gjeroven në rrethin e Berati është mbyllur pasi të 140 anëtarët e saj i janë bashkuar Partisë Socisaliste.
Mesditën e sotme kryetari i degës së LSI-së në këtë fshat dha dorëheqjen dhe u largua nga kjo forcë politike bashkë me 140 anëtarët e degës së fshatit Gjeroven.
Kryetari i LSI-së Gjeroven, Krenar Shehu ka deklaruar se e ka ndërmarrë këtë vendim pasi ndihet i papërfaqësuar nga kjo forcë politike. “Unë si kryetar i LSI-së Gjeroven,pasi jam menduar gjatë,kam vendosur të largohem nga kjo parti politike. Ndihemi të papërfaqësuar pasi LSI është tallur me zonën e Gjerovenit.
Duke nisur nga ish/kryetari i bashkisë që ishte kushëriri i Metës e deri tek listat e tanishme për deputete,verehen se në lista janë sërsish kushërinjtë e tij”– ka deklaruar Shehu.
Edhe 140 anëtarët e degës së LSI-së së fshatit Gjeroven kanë deklaruar se e kanë ndërmarrë vendimin për largimin e tyre nga LSI për arsye se të gjithë ndihen të papërfaqësuar dhe të lënë pas dore në këto 10-vite.
“Ne kemi besim vetëm tek Nasip Naço sepse vetëm prej tij ndihemi të përfaqësuar”-janë shprehur anëtarët e kësaj dege.
