Djegia e mandateve ka goditur rëndë opozitën e bashkuar e cila tanimë ka zgjedhur vetëm një rrugë, atë të protestave.
E megjithatë, goditjen më të madhe duket se e ka pësuar Lëvizja socialsite për integrim e cila nën drejtimin e Monika Kryemadhit po I zihen thuajse të gjitha vendet që ajo la në Kuvendin e Shqipërisë.
Ndonëse të quajtur “tradhtarë” nga Kryemadhi, deputetët e rinj nuk iu bindën dhe pranuan mandatet duke dhënë motivet e tyre se përse.
Por duket se nuk mbaron këtu. Një intervistë e kreut të opozitës Lulzim Basha për median italiane ngre dyshimet për një përçarje midis tyre, ose një mungesë të rëndësisë që i jep Basha LSI.
Çfarë deklaroi Basha për “Il fatto quotidiano”:
“Pozicioni ynë është i qartë. Çdo qytetar, organizatë a formacion politik që ka si objektiv të vetin çlirimin e vendit nga droga dhe krimi i organizuar është i mirëpritur të bëhet pjesë e frontit të bashkuar opozitar.
Është në fakt e habitshme sesi LSI nga aleatja kryesore, shndërrohet për Bashën në një formacion politik.
Të njëjtën gjë duket ta ketë bërë sot edhe gazeta e Vatikanit.
L’Osservatore Romano, gazeta zyrtare e Vatikanit ka bërë një shkrim mbi protestat e opozitës jo parlamentare në Shqipëri, qëndrimin e qeverisë, dhe rrezikun për një sinjal negativ nga Brukseli sa i përket integrimit të vendit tonë në BE-në.
Teksa shkrimi evidenton figurën e kryedemokratit Lulzim Basha si udhëheqës të protestave kundër qeverisë, në shkrim nuk përmendet asnjë rresht për Lëvizjen Socialiste për Integrim, kryetarja e së cilës, Monika Kryemadhi, ka qëndruar krah Bashës në këtë valë protestat anti-qeveritare.
Përgatiti: AlpeNews.al
