Në fakt shumë blogere e dashurojnë dimrin. Për t`u habitur pra, se në stinën e ftohtë nuk para bëhet shumë modë. Ose të paktën kështu kemi menduar ne. Duke qënë se dimri nuk te lejon të tregosh shumë lëkurë, përveç fytyrës, mendojmë se modës i erdhi fundi. Por a është vërtetë kështu? A ka të bëjë zbulimi me trend? Me stil? Varet se çfarë blogu ke, sepse nëse do të reklamosh veshje, të duhet të kesh sa më tepër në trup, të provosh kombinime të ndryshme si dhe të eksperimentosh me ngjyrat, printet dhe copat. Pra sipas kësaj i bie që blogeret dhe influencueset kanë mjaft benefite në periudhën e ftohtë, ndaj dhe ne duhet të jemi gjithë sy e veshë për të kapur trendet e reja. Ju mos u shqetësoni fare sepse do t`jua përmbledh unë, por nëse keni ende pyetje, më shkruani sepse çdo të premte kemi rubrikën “Pyet Stelën”.
Kombinimet e mëposhtme janë marrë nga rrugët më të famshme në të cilat qëndrojnë me dhjetra fotografë të specializuar për streetstyle, për të kapur veshjet më pikante. Ju keni ndonjë të preferuar? Nëse po, më shkruani qe t`i bëjmë një artikull dedikuar me fotot më të mira.
Po të shohim kombinimet vëmë re mjaft pellush, copa të plota, kashmir si dhe xhins. Po t`i miksosh nga pak, rezultati del i denjë të fotografohet. Shikoni galerinë për më tepër.