Muajt e parë të 2017-s, të paktën 9 makina u dogjën në San Benedetto del Torno të Italisë fqinje. Nga ngjarjet fatmirësisht nuk pati të lënduar, por dëmet materiale ishin të shumta, ndërsa shqetësimi tek banorët e zonës u shtua gjithnjë e më shumë.
Më shumë se një vit më vonë, hetimet zbardhën shkakun e këtyre zjarreve, ashtu sikurse edhe shkaktarin e tyre.
Ai është një shqiptar 39-vjeçar, i cili u arrestua nga autoritetet atje.
Sa i përket arsyeve të djegies së automjeteve, agjencia e lajmeve ANSA shkruan se ato lidhen me “rivalitete, xhelozi, mospagim për punë që kishte bërë, etj”.
Shqiptari, i identifikuar vetëm me iniciale S.K, ra në pranga e policisë pas disa muajsh hetime.
