Kjo është një histori e denjë për film.
Personazhi i saj është këngëtari i njohur, Sir Tom Jones.
Vetëm pak kohë më parë, ai shiti shtëpinë e tij për 6.5 milionë stërlina.
Këngëtari nga Uellsi tha se nuk ndjehej mirë në atë shtëpi, pas vdekjes së të shoqes.
Linda Jones ndërroi jetë nga kanceri në mushkëri.
Por ndërsa Tom Jones ka miliona euro pasuri, djali i tij 29-vjeçar është i pastrehë.
Ai fle në një strehë për personat e varfër në Nju Xhersi dhe thotë se është me fat, nëse gjen ndonjë batanije për t’u mbuluar natën.
29-vjeçari, që kërkon të bëhet këngëtar dhe njihet me emrin e artit Jon Jones, lindi pas një marrëdhënie të shkurtër të Tom Jones, me një modele, të quajtur Katherine Berkery.
Tom Jones, që ishte 47 vjeç dhe i martuar, ndërsa Katherine ishte 24 vjeç, e ftoi atë në hotelin Ritz-Carlton në Nju Jork dhe kaluan bashkë tre ditë.
Por, tre muaj më vonë, Katherinë e mori atë në telefon, për t’i thënë se ishte shtatzënë.
Jones nuk iu përgjigj vetë, por i nxorri një asistent, që i tha se “ky është shoubizi e dashur, bëj atë që duhet të bësh”.
Që prej asaj kohe, Jones nuk u interesua për të birin, gjë që konfirmohet edhe nga 29-vjeçari, që thotë se ai nuk e ka marrë kurrë në telefon.
Pavarësisht kësaj, 29-vjeçari shpreson se një ditë babai, tashmë 77-vjeçar, mund të pranojë ta takojë.
Jon Jones thotë se nuk do ta takojë babain, për shkak të parave.
“Doja thjesht të flisnim normalisht për jetën. Dua ta shoh përpara se të jetë vonë.
Nuk dua as që të më ndihmojë për karrierën. Thjesht dua ta shoh pasi jetë është shumë e shkurtër për të lënë gjërat e rëndësishme që të të kalojnë përpara syve”, thotë 29-vjeçari, që i ka shkruar edhe një letër ta atit, por nuk ka marrë një përgjigje.
Tom Jones ka deklaruar kohë më parë, se në kulmin e famës së tij, ka bërë seksi me më shumë se 250 femra në vit.
