Prej 6 vitesh, Suzana Vasiljeviç është këshilltare e presidentin serb Aleksandar Vuçiç. E shfaqur rrallë në media, këtë herë ajo ka zbuluar se si është të kesh për shef Vuçiçin.
E pyetur se çfarë lloj shefi është ai, gjithmonë përgjigjet me një buzëqeshje: “I komplikuar”! Suzana Vasiljeviç ka treguar më tej se ai është shumë i përgjeshëm dhe shumë detajist.
Ajo ka treguar se Vuçiç ka pak bashkëpunëtorë, jo sepse nuk do, porse ritmin e tij pak njerëz mund ta ndjekin, raporton Express.
“Ai është shumë i përgjegjshëm, është shumë detajist, kërkon një përqendrim prej 24 orësh në ditë. Ai kurrë nuk dëshiron ta humbasë asnjë informacion pa marrë parasysh sa orë ka gjumë në sy ose edhe nuk ka fjetur fare, kërkon saktësi, seriozitet, nuk është e lehtë ta ndjekësh atë, ai ka pak bashkëpunëtorë, jo sepse nuk do por sepse pak njerëz mund ta ndjekin këtë ritëm”.
Këshilltarja e presidentit ka shtuar gjithashtu se Vuçiç, ndonëse vepron ndryshe, pranon kritika dhe është shumë i lumtur nëse vjen nga dikush që ai i beson. Në fund, ajo shton se Vuçiç nuk i jep shumë kohë për ta takuar familjen.
