Ish-presidenti i Bundestagut gjerman Norbert Lammert ka folur ashpër për vendimin e opozitës së bashkuar për të djegur në masë mandatet.
Duke folur në ceremoninë e 10 vjetorit të Fondacionit “Konrad Adenauer”, Lammert tha se nuk mirëpriti vendimin e opozitës për djegien e mandateve sepse ata ndërmorën sipas tij atë veprim ngaqë nuk iu pëlqeu rezultati i zgjedhjeve.
“Dhe në këtë gjendje konkurence, nuk më pëlqen bojkoti, cdo gjë është e përkohshme, një vendim është i vlefshëm sot sepse per të ka pasur një shumicë që mund të korrigjohet nesër me një shumicë demokratike. Kjo është detyrë e rëndësishme e edukimit politik që të iluminojë situata të tilla pasi është e vështirë që më vonë të riaktivizohen këto këndvështrime. Nëse këto nuk kihen parasysh”, tha ndër të tjera ish-presidenti i Bundestagut gjerman, Norbert Lammert.
Ndërkohë, i pranishëm gjatë deklaratës së Lammert ishte dhe kryedemokrati Lulzim Basha dhe Presidenti Ilir Meta. Kujtojmë se në shkurt të vitit 2019 partitë opozitare dogjën në masë mandatet, duke u larguar nga Parlamenti, ndërsa nisën të protestonin pothuajse çdo javë përpara Kryeministrisë nën thirrjet “Rama Ik”.
