Një ndarje e parakohëshme nga jeta ka shkaktuar trishtim të madh pasditen e sotme.
Ka nderruar jetë në moshën 59-vjeçare aktori i mirënjohur Xhevdet Ferri pas një beteje me një sëmundje të pashërueshme, e cila e mori rrethuar nga dashuria e të afërmve të tij, bashkëshortes dhe vajzës.
Menjëherë kane ardhur edhe reagimet e artistëve të cilët siç shprehen kane mbetur pa fjalë, pasi disa e dinin semundjen e rendë e të tjerë jo.
Ndriçim Xhepa: “I kam ditur gjërat që në pranverë, kur u operua. Vetë ai me optimizmin dhe forcën që kishte si mashkull mendonte se do kalonte. Ndoshta mund të jem i fundit nga njerëzit e artit që e kam parë mbrëmë, përjashtuar familjarëve.
Siç mora njoftimin se, dje ishte jo mirë në spital, shkova e vizitova mbrëmë. Bënë një tolerancë mjekët që më dhanë një mundësi të vogël për ta parë. Bëra mirë apo keq nuk e di, pasi e pashë në gjendje të rëndë. Mjeku më thoshte se shpresat ishin shumë të vogla.
Nuk pati mundësi, forcë ta përballonte. As 24 orë nuk janë bërë. Komunikova sot me bashkëshorten, do të bëhej një përpjekje tek Sanatoriumi. Fundi ishte shumë i shpejtë, nuk më shkoi mendja. Shumë e dhimbshme.”
Rajmonda Bulku: ”Mendoja që do kalonte gjithçka dhe do e përballonte. Nuk di çfarë të them, ishte një gjë që pritej apo s’pritej. Na ra në mënyrë shokante.”
Zamira Kita: “Kur lexova lajmin u trondita shumë. Unë e kam pasur mik Xhevdetin dhe bashkëshorten e tij. Ai ishte një ikonë e kinematografisë sonë. Ai ka kaq shumë portrete të veçanta. Ai ka qenë një mik shumë i mirë i imi. Kur kemi punuar, Xhevdeti më është gjendur pranë, ka bërë që shumë materiale tonat të jenë në përjetësi. Ngushëlloj familjen dhe të bëhen të fortë, ngushëllime artistëve, të gjithëve”.
Viktor Zhusti: “Është e paimagjinueshme. Është gjëja më shokuese dhe më tronditëse, që kam pasur në këtë periudhë. Kohët e fundit bëmë filmin “Delegacioni” me të, që pati sukses të jashtëzakonshëm. Xhevdeti ka qenë, o Zot, ka qenë studenti im. Ka qenë i shkëlqyer, nuk di ç’të them. Iu shpreh ngushëllime të gjithë atyre që e kanë njohur.”
Samir Kumbaro: “Ka tre a katër muaj që e kam takuar së fundmi. Ishte shumë mirë. E dija sëmundjen e tij. Sëmundja që kishte po përhapet në mënyrë të madhe sot, ishte e pabesë. Por besoja se do ta munddte atë sëmundje. Është fatkeqësisht e madhe që humbëm një aktor karakteri. Ishte aktor i planit dramatik, ka xhiruar edhe një film si regjizor, plus që ka qenë kryetar i qendrës kombëtare të filmit. Xhevdeti ishte njeri i gjerë. Xhod do jetë gjithmonë në kujtesën tonë. Familjarët duhet të bëhen të fortë”.
Julian Deda: “Xhevdet Ferri, faleminderit per artin tend, per rolet e tua, qe zbukuruan dhe mbushen me jete skenat dhe ekranet tona. U prehsh ne paqe artist…! “
Rezart Veleshnja: “Do i mungosh pa fund skenes Shqiptare nje artist ne skene ne shpirt ne jete! ikona jone e filmit Shqiptar sot u nda nga jeta pas nje beteje te eger me kancerin! Rrespekt per Xhevdet Ferrin.”
ALPEnews.al
