Gjatë mbrëmjes së kaluar rreth orës 22:30 në komunën Ans të Belgjikës, pas një konflikti masiv midis dy bandave shqiptare një grua humbi jetën dhe 4 të tjerë mbetën të plagosur.
Në sherrin masiv u përdorën thika, shkopinj bejsbolli, shufra hekuri dhe të tjera sende të forta për ushtrimin e dhunës.
E vdekur mbeti një 43-vjeçare e cila u përfshi në sherr pasi u përpoq të ndihmonte një mikun e saj i cili ishte plagosur nga goditjet.
Gruaja u përplas nga një automjet gjatë situatës së tensionuar që ishte krijuar në rrugë.
Identiteti i viktimës nuk është bërë ende i ditur, por personat që u përfshinë në sherr megjithëse janë gjurmuar, ende asnjëri prej tyre nuk është shoqëruar për të dhënë dëshmi.
