Seanca e parë në Gjykatën e Posaçme të Apelit për Arbër Çekaj, është shtyrë për një datë tjetër. Çekaj është dënuar me 14 vite burg nga Gjykata e Posaçme, por ky vendim është ankimuar prej tij.
Arbër Çekaj është pronar i kompanisë “Arbri Garden” në kontenierin me banane të së cilës u gjet e fshehur një sasi prej 613 kg kokainë. Avokati Çekajt, Maks Haxhia, e ka quajtur të padrejtë vendimin ndaj klientit të tij.
Shkak për shtyrjen e seancës së parë është bërë mungesa e avokatit të Çekajt dhe Donald Lushaj, të cilët janë gjobitur për mosparaqitjen në seancën që kanë kërkuar vetë. I vetmi që ka marrë pjesë në seancë, pavarësisht se ajo nuk është mbajtur, ka qenë avokati i Armando Pezakut.