Policia italiane ka vënë nisur procedim penal në gjendje të lirë për një 39-vjeçare shqiptare, pasi është zbuluar duke vjedhur gaz.
Siç raportohet nga mediat italiane, ngjarja ka ndodhur në zonën Fasano, ku shqiptarja me iniciale S. A, kishte mundur që nga viti 2015 të vidhte gati 6 mijë kub gaz, e cila kapte shifrën e 1500 eurove.
Mësohet se zbulimi i gruas, e cila jetonte në varfëri në një shtëpi në qendrën historike, erdhi pasi u denoncua nga firma e gazit.
Firma e gazit tha se ajo kishte thyer vulat dhe sahatin, çka ka bërë që ajo të vinte në rrezik një lagje të tërë, pasi nga rrjedhja e gazit mund të çonte në ndonjë shpërthim të mundshëm.
