Burri 63-vjeçar shqiptar qe u ekzekutua me armë zjarri në Korfuz, kishte humbur kontaktet me familjen e cila kishte dhene alarmin per zhdukjen e tij.
Sipas mediave greke, shqiptari, gjeneralitet e të cilit nuk behën me dije, u gjet i pajetë në një rrugë në zonën Spartera mëngjesin e djeshem, me plagë të shkaktuara nga qitja me armë zjarri.
Kanë qenë kalimtarët që kanë pikasur trupin e pajetë duke njoftuar më pas policinë.
Sipas mediave lokale, hetuesit kanë zbuluar se shqiptari është ekzekutuar me armë zjarri nga një distancë e afërt.
63-vjeçari, me banim në Korfuz, raportohet se kishte humbur kontaktet me familjarët që nga e diela në mëngjes. Familjaret të cilët bërë edhe kallëzim në polici për zhdukjen e tij.
Një hetim po zhvillohet nga Drejtoria e Policisë së Korfuzit për zbardhjen e ngjarjes.
Kujtojmë se, më 22 nëntor, Altin Mullai mbeti i vrarë nga policia greke. Ai u qëllua për vdekje në një shkëmbim me armë zjarri me efektivë të policisë së Janinës, njoftoi policia greke. Ndërsa të dielën, një 35-vjeçar shqiptar u gjet i pa jetë në burgun e Trikalasë. Sipas mediave greke, ka dyshime se, ai ka humbur jetën për shkaqe natyrale, megjithatë fjala e fundit i takon ekspertizës mjekoligjorë.
