Nisi si një sherr mes fqinjëve por përfundoi në një tragjedi të vërtetë. Gjithçka ka ndodhur në Milano, ku një 46 vjeçar me origjinë nga Shqipëria, ka qenë duke transferuar shtëpinë e tij.
Ai është ndihmuar nga i biri në këtë proces të lëvizjes së plaçkave, duke e shoqëruar gjithçka që bënte me zhurmë të madhe, me të shara e me të bërtitura.
E shqetësuar nga situata e krijuar, njëra nga fqinjët është ankuar, ndërsa ai e ka larguar duke e shtyrë.
Situata është rënduar kur pas saj ka dalë edhe bashkëshorti i zonjës, një burrë 75 vjeçar, i cili ka ndërhyrë për ta mbrojtur nga shqiptari.
Në fund ka qenë djali i 46 vjeçarit ai që ka humbur kontrollin dhe ka goditur italianin 75 vjeç, i cili më pas ka rënë nga shkallët.
Siç shkruajnë mediat vendase, italiani ka përplasur kokën dhe është dërguar në gjendje të rëndë në spital. Ndërkaq policia ka arrestuar edhe agresorin.
