Një vrasje me thikë ka ndodhur në Athinë mbrëmjen e sotme. Sipas mediave greke, një Afganistan është ekzekutuar me thikë nga një person, që dyshohet se është shqiptar.
Lidhur me ngjarjen, “Protothema” shkruan se: pak pas orës 20:30 në kryqëzimin e rrugëve “Sofocleous” dhe “Menandrou”, viktimës iu afrua një automjet në të cilën ndodheshin dy persona. Një nga ata, zbriti nga mjeti dhe qëlloi me thikë në zemër afganin duke i shkaktuar vdekjen. Veprimi i ekzekutorit ka qenë i shpejtë duke mos i dhënë kohë viktimës për të reaguar.
Pas kësaj, autori ka hipur sërish në makinë dhe mjeti është larguar.
Autorët dyshohet të jenë me origjinë shqiptare, raporton Protothema, që shton se krimi, dyshohet se ka ndodhur për pazare droge.
