Disa bashkatdhetarë të cilët jetojnë në Amerikë kanë pritur në konakun e tyre në Uashington, ish-shefin e misionit vëzhgues të OSBE-së në Kosovë, William Walker.
Gjatë qëndrimit të tij në “shtëpinë” e shqiptarëve ai u kënaq edhe nën tingujt e muzikës me sharkia.
“Kënga e Reçakut” është ajo që u luajt për Walker i cili nderoi me prezencën e tij këta bashkatdhetarë, e të cilët e quajtën atë hero, transmeton Indeksonline.
Ndryshe, ishte Walker i cili vizitoi Reçakun menjëherë pasi u krye edhe njëra nga masakrat më të mëdha në Kosovë, gjatë luftës së fundit.
Më 15 janar 1999, në fshatin Reçak u vranë e u masakruan 45 shqiptarë të paarmatosur nga forcat serbe.
Kënga e Reqakut . William G Walker.
Gepostet von Sab Gashi am Samstag, 14. Juli 2018
