Sot fitoi shteti. Kështu u shpreh kryeministri Edi Rama në deklaratën e parë publike pas mbylljes së votimeve për zgjedhjet vendore të 30 qershorit 2019, ardhur në një klimë të paprecedentë dhe të vështirë politike, për herë të parë pa pjesëmarrjen e opozitës, e cila doli jashtë parlamentit dhe bojkotoi garën elektorale.
“Molotovët i kishin zëvendësuar me firzamonika dhe lehjet komike kundër monizmit imagjinar. Pas pak fillon një ditë e re, dita dhe koha kur ne do të vijojmë të bëjmë tonën, në radhë të parë duke u përulur shumë më tepër para popullit, duke reflektuar shumë më tepër sesa sot para qeverisjes jonë në nivelin qendror dhe vendor. Ne nuk fituam ndonjë betejë për mandatin e ardhshëm të bashkive, por luftën përgjithmonë për zgjedhjet. Nga sot, Shqipëria nuk do të shohë më djegie mandatesh, molotov, bojkot dhe fronte. Për ata është një mësim, por edhe të gjitha partitë dhe përgjithmonë. Nga sot, ne, fitimtarët e 30 qershorit, nuk fituam ndaqë kemi bërë punë shumë të mira, apo se mjaftojnë ato që kemi bërë” tha Rama.
