Tërmeti i fortë që u ndje pothuajse në të gjithë vendin, fatmirësisht nuk ka shkaktuar pasoja në jetë njerëzit por vetëm dëme materiale. “BalkanWeb” ka arritur të sigurojë disa informacione mbi situatën në disa qytete, ku regjistrohen dëme nga lëkundjet. Kështu, në Tiranë afër zonës së ‘Kafes së Rremës’, një pallat 6 katësh ka pësuar çarje të madhe në një anë të murit.
“BalkanWeb” ka siguruar pamjet ku shihen dëmet e shkaktuara nga termeti 5.2 ballë në këtë pallat. Ndërkohë, lëkundjet e tërmetit 6 ballë në Durrës kanë shkaktuar dëme në dy banesa. Ky fakt bëhet i ditur nga Prefektura, e cila ka nxjerrë inspektoret në terren për verifikimin e dëmeve. Sakaq, prefekti Roland Nasta pohoi se fatmirësisht nuk persona të lënduar.
Gazetari Fatmir Popja raporton nga Elbasani se nga lëkundjet është dëmtuar një pallat në lagjen “Dyli Haxhire”. Sipas burimeve zyrtare ka plasaritje të mureve nga lëkundjet e tërmetit, ndërsa apartamenti më i dëmtuar është ai i shtetasit Adem Muho.
Tërmeti shkund Tiranën, shihni si është çarë muri i pallatit 6 katësh
Tërmeti shkund Tiranën, shihni si është çarë muri i pallatit 6 katësh
Gepostet von BalkanWeb am Mittwoch, 4. Juli 2018
