Dita e sotme (10 maj) është shpallur ditë zie kombëtare në nderim të nëntetares Zarife Muharrem Hasanaj, e cila ra në krye të detyrës gjatë misionit të saj jashtë vendit.
Me vendim të Këshillit të Ministrave, në të gjitha institucionet shtetërore flamujt do të ulen në gjysmështizë dhe në orën 12:00 do të mbahet një minutë heshtje.
Ndërkohë paraditen e sotme në Pallatin e Kongreseve do të zhvillohen homazhet në nderim të nëntetares Hasanaj.
Homazhet për “Dëshmoren e Atdheut” do të mbahen nga ora 10 deri në 11:30.
Më pas në orën 12:00 do të mbahet ceremonia shtetërore dhe në orën 13:00 ceremonia e varrimit pranë varrezave “Dëshmoret e Kombit”.
Kujtojmë se nga shpërthimi në Letoni mbeti i plagosur rëndë komandanti i kontigjentit, Major Klodian Nikolla Tanushi dhe më lehtë Rreshter Julian Xhevat Kapaj.
