Kryeministri Edi Rama, gjatë fjalës së tij në OKB, tha se Shqipëria i ka dhënë botës shembuj të mirë, teksa përmendi mbështetjen ndaj hebrenjve dhe së fundmi afganëve pasi talebanët morën pushtetin. Ai shtoi se mbështet transformimin e urdhërit botëror bektashi në një shtet sovran brenda Tiranës.
“Duhet të përpiqemi me përpjekjet të mëdha që të rimarrim ndjesinë e përbashkësisë që ka humbur. Jemi buzë një rreziku të jashtëzakonshëm dhe askush nuk është i sigurt, pavarësisht pozitës gjeografike, madhësisë, pasurisë, fuqisë, sistemeve politike shoqërore. Sfidat tona janë të ndërlidhura thellësisht nëse nuk përballemi me to me një rend të ri të rienergjizuar shumëpalësh do të dështojmë së bashku.
Veprimi shumëpalësh nuk është një zgjedhje por nevojë urgjente. Problemet me të cilat përballemi sot, qofshin si rezultat i veprimeve apo mosveprimeve tona kërkojnë përgjigje kolektive. Ato janë shumë të skajshme dhe globale për tu përballur përmes përpjekjeve të izoluara apo përmes veprimeve konfrontuese. Shqipëria mbështet paktin për të ardhmen dhe të gjitha angazhimet e saj.
Më lini të theksoj se angazhimet e vetme nuk janë të mjaftueshme. Ato duhet të përmbushen, zbatohen. Fjalët qëllim mira duhet të transformohen në vepra e veprime të përbashkëta. Ndërkohë që Shqipëria mund të jetë një vend i vogël i ka dhënë botës shembuj të mirë. Gjatë Luftës së Dytë Botërore, Shqipëria u shndërrua i vetmi vend në Evropë që kishte më shumë hebrenj pas luftës dhe para saj. Së fundmi pas rënies së Kabulit në duart e talebanëve, strehuam mijëra afganë.
Shqipëria i ka dhënë botës shenjtoren më të re, Nënë Tereza, jeta e së cilës ka mëshiruar dashurinë për njerëzimin. Na ka kujtuar se jo të gjithë ne mund të bëjmë gjëra të mëdha, por mund të bëjmë gjëra të vogla me dashuri të madhe. Ky është parimi të cilit i qëndron Shqipëria. Ky është burimi i frymëzimit tonë, për të mbështetur transformimin e qendrës së Urdhrit Botëror Bektashi në një shtet sovran brenda kryeqytetit tonë, Tiranës, si një qendër e re moderimi, tolerance e bashkëjetese të paqtë.”, tha Rama.
