Shqipëria rekomandohet si një ndër vendet më të veçanta për të pushuar gjatë kësaj vere.Media prestigjoze The telegraph e cilëson vendin tonë si destinacionin më të veçantë për të udhëtuar në Evropë.Ndërsa sygjeron 10 mundësitë për të eksploruar duke nisur nga bregdeti ,aplet,kanionet,qytetet historike dhe kuzhina tradicionale.
Sipas the telegraph fluturimet bëhen në më pak se katër orë nga të gjitha aeroportet e Mbretërisë së Bashkuar, çka nënkupton se Shqipëria është e përshtatshme si për pushime në qytet gjatë fundjavave, ashtu edhe për aventura më të mëdha.
Një ndalesë e rëndësishme konsiderohet Tirana, kryeqyteti i cili po bën emër si një vend arratisjeje urbane.
Pushimet në jugun e Shqipërisë do të thotë të kombinosh aventurat në histori me ditët e qeta në plazh thuhet në shkrim ndërsa sygjerohet të eksplorohet një sitet më ët rëndësishme arkeologjike siç është Butrinti,rrënojat e të cilit gjurmojnë evolucionin e vendbanimit .Ndërsa disa nga plazhet më të mrekullueshme cilësohen Dhërmiu dhe Gjipe të cilat janë vendi ideal për të lundruar për herë të parë në detin Jon.
Me gjurmë të grekëve, romakëve, bizantinëve, venedikasve dhe osmanëve, të gjitha të dukshme, është e lehtë të kuptosh pse Butrinti shpesh quhet mikrokozmosi perfekt i historisë mesdhetare.
Por përtej bregdetit turistëve u rekomandohet që të vizitojnë edhe alpet shqiptare.Sipas The telegraph alpet shqiptare mund të Zëvendësojnë Mont Blanc dhe Zermatt si vendet më të mira për ecje në natyrë në Shqipëri, vargmale me maja dramatike që shkrihen në pyje të harlisura dhe lugina të thella të mbushura me lule të egra.
Media britanike u rekomandon vizitorëve që të eksplorojnë edhe Qytetet e Beratit dhe Gjirokastrës, të listuara në UNESCO, Berati njihet si “qyteti i një mijë dritareve” për shtëpitë e tij të epokës osmane në kodra, të ruajtura bukur, ndërsa Gjirokastra është kurorëzuar nga kështjella e saj e shekullit të 12-të dhe quhet “qyteti i gurit”, falë shtëpive të saj prej guri me çati me argjilë. Ndërsa veçohet edhe kuzhina me shije mesdhetare dhe gatime të veçanta duke u mbështetur në prodhimet e larmishme vendore.
